काठमाडौ । ग्रीन डेभलपमेण्ट बैंकले चार सय प्रतिशत हकप्रद निष्कासन तथा बिक्री गर्न लक्ष्मी क्यापिटललाई बिक्री प्रबन्धक नियुक्त गरेको छ । बैंकको गत माघमा सम्पन्न चौथो साधारणसभाले हाल कायम पूँजी एक बराबर चार अर्थात चार सय प्रतिशत हकप्रद बिक्री गर्ने प्रस्ताव पारित गरेको थियो ।
यसै बर्ष मात्र सर्वसधारणलाई सेयर जारी गरेर सेयर कारोबारमा आएको बैंकले सेयरधनीलाई लाभांश नदिई हकप्रद शेयर बिक्री गर्न लागेको हो । हकप्रद पश्चात बैंकको चुक्ता पूँजी ५० करोड रुपैयाँ पुग्नेछ ।
बैंकले गत जेठमा ४ लाख ५० हजार कित्ता साधारण शेयर जारी गरेको थियो । बागलुङ, म्याग्दी र कास्की जिल्लामा कार्यक्षेत्र बिस्तार गरी वित्तीय सेवा दिंदै आएको बैंकले २०७४ आषाढ सम्म ५० करोड चुक्तापूँजी पुर्याउनु पर्नेछ ।
प्रकाशित मितिः २०७३ चैत २३
वि.सं.२०७३ चैत २३ बुधवार १७:०७ मा प्रकाशित
