काठमाण्डौं । गुहेश्वरी मर्चेण्ट बैंक एण्ड फाइनान्सले ५० प्रतिशत हकप्रद निष्काशन गर्ने भएको छ । फाइनान्सले गतबर्षको मुनाफाबाट १५ प्रतिशत बोनश वितरण पश्चात कायम चुक्तापूँजीको दुई बराबर एक हकप्रद निष्काशन गर्ने भएको हो । यो भनेको करिब १५ करोड रुपैयाँको सेयर निस्कासन हो ।
फाइनान्सले हकप्रद प्रस्ताव पारितका लागि वैशाख २ गते विशेष साधारणसभा बोलाएको छ । फाइनान्सले गतबर्षको मुनाफाबाट आफ्ना लगानीकर्तालाई १५ प्रतिशत बोनस शेयर तथा कर प्रयोजनका लागि ०।७९ प्रतिशत नगद लाभांश गरि करिब १६ प्रतिशत लाभांश पारित गरेको छ ।
हकप्रद निष्काशनपश्चात कम्पनीको चुक्तापूँजी ४५ करोडको हाराहारीमा पुग्नेछ । कम्पनीले चालु आर्थिकबर्षको दोस्रो त्रैमास अर्थात पुषमसान्तसम्ममा २ करोड २० लाख रुपैयाँ खुद आम्दानी गरेको थियो ।
१८ चैत २०७२, ८.००
वि.सं.२०७२ चैत १८ बिहीवार ११:१२ मा प्रकाशित