काठमाण्डौं । गोर्खाज फाइनान्सले ५० प्रतिशत हकप्रद सेयर वितरण गर्ने भएको छ। गोर्खा विकास बैक र काठमाडौं फाइनान्स गाभिएपछि गोर्खाज फाइनान्स बनेको हो।
सेयर निस्कासनका लागि फाइनान्सले एनआइबिएल क्यापिटल मार्केट्सलाई बिक्री प्रबन्धक नियुक्त गरेको छ । सेयर निस्कासन सम्बन्धि सम्झौतापत्रमा फाइनान्सका प्रमुख कार्यकारी अधिकृत राजकुमार राई र एनआइबिएलका महाप्रबन्धक मेखवहादुर थापाले हस्ताक्षर गरेका छन्। फाइनान्सको २२औं बार्षिक साधारणसभाले दुई बराबर एक हकप्रद सेयर निस्कासन गर्ने निर्णय गरेको थियो ।
फाइनान्सले १०० रुपैयाँ अंकित दरका २८ लाख ९३ हजार ३१३ कित्ता सेयर निस्कासन गर्न लागेको हो । अहिले फाइनान्सको चुक्ता पूँजी ५७ करोड ८६ लाख रुपैयाँ छ। हकप्रदपछि पूँजी ८६ करोड ८० लाख रुपैयाँ पुग्ने छ।
११ माघ २०७३, ११।००
वि.सं.२०७३ माघ ११ मंगलवार ११:२२ मा प्रकाशित