काठमाडौं । आइएमई समुहद्वारा प्रवद्र्धित हाथवे इन्भेष्टमेन्ट नेपाल लिमिटेड काठमाडौं महानगरपालिका–२६, लैनचौर स्थित आफ्नै भवनहाथवे कम्प्लेक्समा सरेको छ ।
नयाँभवनको उदघाटन कम्पनीका अध्यक्ष हेमराज ढकालले गरेका हुन् । सो अवसरमा कम्पनीका संचालकहरु तथा समुहमा सम्वद्घ पदाधिकारीहरुको उपस्थीती थियो । स्थापनाको छोटो समयमा नै पुँजिबजारमा आफ्नो छुटै पहिचान बनाउन सफल यस कम्पनीको मुख्य उदेश्य सुचिकृत कम्पनीहरुको शेयरमा लगानी गर्ने रहेको छ । पुँजिबजारका अलवा दीर्घकालीन लगानीका रुपमा रियलस्टेट, हाईडोपावर, वीमा ब्यवसाय जस्ता क्षेत्रहरुमा समेत लगानी गरेको यस कम्पनीले विगतमा समस्याग्रत रहेका एनवि इन्स्योरेन्स कम्पनी लि. र अरुण फाईनान्स लि. को शेयर विभिन्न समुहमा ब्यवस्थापन गरी सफलतापुर्वक संचालनमा ल्याएको छ ।
उद्घाटनको अवसरमा मन्तव्य दिँदै अध्यक्ष ढकालले आगामी दिनमा कम्पनीले प्राईभेट इक्यूटी र भेन्चर क्यापीटलमा कार्य गर्दै निजि क्षेत्रको उत्कृष्ट लगानीकम्पनीको रुपमा स्थापित गराउने बताए । यसै गरी प्रबन्ध संचालक अम्बिकाप्रसाद पौडेलले विगतको आरोह अवरोहका विचमा कम्पनीले गरेको प्रगती यसै कम्पनीका लगानीकर्ता तथा संचालकहरुको विषेश योगदानको प्रतिफल रहेको चर्चा गरे ।
नेपाल स्टक एक्सचेन्जको ओ.टि.सी (Over The Counter) मार्केटमा सुचिकृत यस कम्पनीको शेयर खरिद बिक्रिगर्न इच्छुक लगानीकर्ताले ओ.टि.सी मार्केट मार्फत शेयर खरिद विक्रीगर्न सक्ने र कम्पनीको रु ५० प्रतिकित्ता शेयर रु १२५ मा अन्तिम कारोबार भएको प्रबन्ध संचालक अम्बिकाप्रसाद पौडेलद्वारा जारी विज्ञप्तिमा उल्लेख छ ।
प्रकाशित मिति : ४ मंसिर २०७४
वि.सं.२०७४ मंसिर ४ सोमवार २३:०४ मा प्रकाशित
