हेटौंडा । मकवानपुरको हाँडिखोला २ मा यात्रु बाहक बस पल्टिंदा तीन जनाको मृत्यु भएको छ । मकरीबाट हेटौंडा आउँदै गरेको ना ४ ख ४३०७ नम्बरको बस दुर्घटना भएको हो ।
मृत्यु हुनेमा ४ बर्षिय प्रनिश लामिछाने र ३० बर्षिय सुजन लामाको सनाखत भएको छ । अर्की एक महिलाको सनाखत हुन सकेको छैन । ग्रामिण कच्ची सडकमा सिटदेखि छत सम्म खचा खच यात्रु भरिएको बस अनियन्त्रित भइ दुर्घटना भएको हेटौंडाबाट पत्रकार शिवकुमार काशीले जानकारी दिए ।
छतदेखि सिटसम्म करिब १०० जना यात्रु सवार थिए । घाइतेहरुको उपचार हेटौंडास्थित ११ चुरेहिल अस्पतालमा उपचारका निम्ति पुर्याइएको छ ।चुरेहिलमा बिरामीको भिड बढे पछि अरु अस्पतालमा बिरामी पठाउन थालिएको छ । घटना आइतबार बिहान करिव सवा १० बजेको हो ।
वि.सं.२०७३ असोज १६ आइतवार १०:५२ मा प्रकाशित
