back
NMB ad

मंसिर १० देखि १४.९ मेगावाट बिजुली सहित सर्वसाधारणलाई १५ करोडको सेयर दिंदै हेवाखोला हाइड्रो !

Kumari bank ad

काठमाडौ । पाँचथर हाइड्रोपावर १४.९ मेगावाटको हेवाखोला, जुन उत्पादनको अन्तिम चरणमा रहेको छ । हाइड्रोपावरले मंसिर १० गतेबाट आफ्नो उत्पादन राष्ट्रिय प्रशारण लाईनमा जोड्ने गरि अन्तिम तयारी पुरा गरेको जनाएको छ ।

यस सम्बन्धमा हाईड्रोपावरका लगानीकर्ता बलबहादुर तामाङसँग अर्थतन्त्रका लागि हरिशरण न्यौपानेले गरेको कुराकानीमा आधारित संपादित अंशः

Balbahadur tamang

बलबहादुर तामाङ,लगानीकर्ता, हेवाखोला हाईड्रोपावर

प्रशारण लाईनमा हामीले मंसिर दश गतेबाट सुरु गर्छौं । प्राबिधिकरुपमा केहि कार्यहरु तयारी गर्ने अन्तिम चरणमा पुगेको छ । रंगहरु लगाउने काम बाहेक उत्पादन गृहबाट प्रशारण लाईन(शव स्टेसन)सम्म लैजाने काम अर्थात् लाईन तान्ने सबै तयारी पुरा भएको छ । त्यहाँ उमेश श्रेष्ठ अध्यक्ष हुुनुहुन्छ । उहाँको नेतृत्वमा त्यो लगानी छ । त्यो लगानी अहिलेसम्म पब्लिकलाई दिएका छैनौं । अब एक वर्ष भित्रमा त्यो पब्लिकलाई पनि शेयर दिने गरि आउनेछ ।

भूकम्प र नाकाबन्दीले ६ महिना ढिलाई

हेवाखोलामा उत्पादन ढिलो हुनुको मुख्यरुपमा दूई कारण छन् । भूकम्प र भारतले लगाएको नाकाबन्दीका कारण पनि केहि समय पछाडि धकेलियो । साँढे तीन वर्षमा पुरा गर्ने जुन लक्ष्य राखिएको थियो त्यो पुरा भएन । करिब ४ वर्षमा हामीले त्यो उत्पादन सकेका छौं । लगानीको लागि समस्या रहेन तर बाह्य कारण ढिलाई हुन पुगेको हो ।

hewakhola2

प्रतिमेगावाट २ करोड लागत बढ्यो

एक मेगावाट बराबर १४ करोडले सक्ने भन्ने अनुमान थियो । बाह्य अबरोधका कारण १४ करोडमा सकिएन । अहिले १६ करोडमा पुरा हुने अभियान छ । जेठमा बिद्युत् बेच्नुपर्ने त्यो बेच्ने काम सकिएन । अहिले हामीले लगानीकर्ताबाट बैंकलाई ब्याज तिर्ने पैसा उठाएका छौं ।

२० दिन निशुल्करुपमा सरकारलाई बिजुली

हामी मंसिर १० गते परिक्षण उत्पादन सुरु गर्छौं । तापनि मंसिर अन्त्यबाट राष्ट्रिय प्रशारण लाईनमा बेच्न सुरु गर्छाैं । २० दिन हामी निशुल्करुपमा सरकारलाई बिजुली दिन्छौं ।

hewakhola1

प्रशारण लाईन नबन्दा उत्पादनको आधा बिजुली खेर जाने अवस्थामा

यो ३३ मेगावाटको प्रशारण लाईनबाट राष्ट्रिय नेटवर्कमा जोडिन्छ । अहिले कावेली कोरिडोरको प्रशारण लाईन नबनेका कारण बिद्युत् खेर जाने अवस्थामा छ । उत्पादनको आधा मात्र बिक्री हुने अवस्था छ । त्यसकारण प्रशारण लाईन बनाउन इलामदेखि पाँचथरसम्म १२० वटा पोलहरु गाड्नुपर्नेमा करिब ४० वटा पोलहरु गाडिएको छ । समस्याकोरुपमा प्रशारण लाईनले अप्ठेरो पारेको अवस्था छ । लगानीको हिसाबले व्यक्तिको लगानी भएकाले बैंकको ब्याजको कारण समस्या छ । त्यसकारण सरकारले सबै ठाउँमा प्रशारण लाईन नपुर्याएको अवस्थामा लगानीकर्तालाई अप्ठेरो पार्ने अवस्था छ ।

hewakhola3

पब्लिक लिमिटेडमा लगेर सर्वसाधारणलाई १५ करोडको सेयर

हाम्रो क्षेत्रमा ४ जनाको २४ प्रतिशत सेयर होल्ड छ । एलपी सावा लिम्बु, नरेश केलाल, म( बलबहादुर तामाङ) र रघु पुरी । एलपी सावा लिम्बु र रघु पुरी दुई जना संचालकमा पठाउँछौं । म लगानीकर्ता मात्र छु । हामी यसलाई पब्लिक लिमिटेडमा लैजाँदैछौं । एक वर्षभित्रमा सर्वसाधारणलाई १० प्रतिशत सेयर दिन्छौं । स्थानीय सहितलाई १० प्रतिशत भन्नाले १५ करोड रुपैंया बराबरको सेयर दिनेछौं ।

प्रकाशित मितिः २०७३ मंसिर ४

वि.सं.२०७३ मंसिर ४ शनिवार १५:०२ मा प्रकाशित

You can share this post!

नेपाल इटाली चेम्बर अफ कमर्स एन्ड इन्डस्ट्रीकोे १०औँ वार्षिक साधारण सभा सम्पन्न

नेपाल इटाली चेम्बर अफ कमर्स एन्ड इन्डस्ट्रीकोे १०औँ वार्षिक साधारण सभा सम्पन्न

वि.सं.२०८० चैत १६ शुक्रवार २१:०१

काठमाडौं । नेपाल इटाली चेम्बर अफ कमर्स एण्ड इन्डस्ट्री (एनआईसीसीआई)...

ब्रिटिस कलेजद्वारा पुनः अन्तर्राष्ट्रिय ‘स्टुडेन्ट एक्सचेन्ज’ कार्यक्रमको आयोजना

ब्रिटिस कलेजद्वारा पुनः अन्तर्राष्ट्रिय ‘स्टुडेन्ट एक्सचेन्ज’ कार्यक्रमको आयोजना

वि.सं.२०८० चैत १६ शुक्रवार २०:५३

काठमाडौँ । द ब्रिटिस कलेज (टीबीसी)ले यस पटक पनि अन्तर्राष्ट्रिय...

नेपाल लाइफ इन्स्योरेन्ससंगको समन्वयमा नेपाल लाइफ क्यापिटलले गर्यो लगानी व्यवस्थापन कार्यक्रम

नेपाल लाइफ इन्स्योरेन्ससंगको समन्वयमा नेपाल लाइफ क्यापिटलले गर्यो लगानी व्यवस्थापन कार्यक्रम

वि.सं.२०८० चैत १६ शुक्रवार २०:१५

काठमाडौं ।नेपाल लाइफ क्यापिटलले नेपाल लाइफ इन्स्योरेन्ससंगको समन्वयमा १८ मार्च...

एनआईसी एशिया बैंकले मनायो सप्ताहव्यापी ‘ग्लोबल मनी विक २०२४, सातै प्रदेशका ६ हजारभन्दा धेरै विद्यार्थी तथा युवाहरु सहभागी

एनआईसी एशिया बैंकले मनायो सप्ताहव्यापी ‘ग्लोबल मनी विक २०२४, सातै प्रदेशका ६ हजारभन्दा धेरै विद्यार्थी तथा युवाहरु सहभागी

वि.सं.२०८० चैत १६ शुक्रवार २०:०७

काठमाडौं । एनआईसी एशिया बैंकले वित्तीय साक्षरता अभिवृद्धि गर्ने उद्देश्यका...

राजस्व छलीका गाडी र मोटरसाइकलसहित तीनजना पक्राउ   

राजस्व छलीका गाडी र मोटरसाइकलसहित तीनजना पक्राउ   

वि.सं.२०८० चैत १६ शुक्रवार १९:५८

काठमाडौँ, १६ चैत : राजस्व छलीका गाडी र मोटरसाइकलसहित तीनजनालाई...

आगामी आर्थिक वर्षका लागि बजेट लेखन समिति गठन   

आगामी आर्थिक वर्षका लागि बजेट लेखन समिति गठन   

वि.सं.२०८० चैत १६ शुक्रवार १९:५१

काठमाडौँ, १६ चैत : अर्थ मन्त्रालयले आगामी आर्थिक वर्ष २०८१/८२...