काठमाडौ । हिमालयन बैंकको एक लाख ४५ हजार ५६० कित्ता सेयर लिलामी भर्ने बुधबार अन्तिम दिन हो । आज कार्यालय समयसम्म मात्र यसमा आवेदन दिन पाइनेछ । लगानीकर्ताले न्यूनतम १०० रुपैयाँलाई आधार मानेर त्यसभन्दा बढी भाउमा बोलपत्र फारम भर्नुपर्नेछ ।
यसअघि हिमालयनले कात्तिक २६ देखि मंसिर ३० गतेसम्म हकप्रद सेयर बिक्री खुला गरेको थियो । त्यतिबेला बिक्री नभएकोे सेयर अहिले टेन्डरमा बिक्री खुला गरिएको हो । हिमालयनको लिलामी सेयरमा बिक्री प्रबन्धक लक्ष्मी क्यापिटल मार्केट लिमिटेड रहेको छ ।
आवेदकले लक्ष्मी क्यापिटल मार्केट लिमिटेड नयाँबानेश्वर काठमाडौंमा पुग्ने गरी आवेदन फारम बुझाउनुपर्नेछ । बोलपत्र चैत १७ गते बिहान ११ बजे जय गणेश कमलादी ब्यांकेट कमलादी काठमाडौंमा खोलिनेछ ।
प्रकाशित मितिः २०७३ चैत १६
वि.सं.२०७३ चैत १६ बुधवार १२:२६ मा प्रकाशित
