काठमाडौ । हिमालयन पावर पार्टनरको आइपीओ भर्ने आज (सोमबार) अन्तिम दिन हो । कम्पनीले यसअघि छिटोमा आज अर्थात असार ५ गते र ढिलोमा असार १५ सम्म भर्न पाइने जनाएको थियो । तर यो अवधि सम्म आवश्यक भन्दा बढि आवेदन परीसकेकोले आज कार्यालय समय सम्म मात्र यो आइपीओमा आवेदन दिन सकिनेछ ।
कम्पनीले असार १ गते देखि प्रतिकित्ता १०० रुपैयाँ दरको २१ लाख ३० हजार ८३४ कित्ता आइपीओ बिक्री खुला गरेको हो । जसमध्ये ४२ हजार ६१७ कित्ता कर्मचारी र १ लाख ६ हजार ५४२ कित्ता म्युचुअल फन्डहरुलाई छुट्याएको छ । यो आइपीओमा लगानीकर्ताले न्यूनतम ५० कित्ता देखि अधिकतम १० हजार कित्ता सम्म आवेदन दिन सक्नेछन् । यसमा ग्लोबल आइएमई क्यापिटलले बिक्री प्रबन्धकको काम गर्दैछ ।
हाल हिमालयनको जारी पुँजी १ अर्ब ६ करोड ५४ लाख १७ हजार रुपैयाँ रहेको छ । जसमध्ये कम्पनीले जारी पुँजीको २० प्रतिशत सेयर सर्वसाधारणलाई बिक्री गरेको हो । यसअघि कम्पनीले कम्पनीले जारी पुँजीको १० प्रतिशत सेयर लमजुङका आयोजना प्रभावित स्थानीयबासीलाई बिक्री गरेको थियो ।
कम्पनीको आफ्नो कार्यालय, ग्लोबल आईएमई बैंकका शाखाहरू, अन्य विभिन्न सेयर मर्चेन्ट बैंकरहरूबाट आवेदन दिन सकिनेछ ।
सेयरको दरखास्त आवेदन फारम बिक्री प्रबन्धक ग्लोबल आइएमई क्यापिटल लिमिटेडको वेभसाईट www.globalimecapital.com.np मार्फत समेतबाट डाउनलोड गरी भरेर बुझाउन सकिनेछ ।
प्रकाशित मितिः २०७४ असार ५
वि.सं.२०७४ असार ५ सोमवार १०:४० मा प्रकाशित
