काठमाण्डौं । नेपाल रत्न तथा आभुषण संघका ५६ सदस्यीय टोली आजदेखि भारतको मुम्बईमा आयोजना हुन लागेको इण्डिया इन्टरनेशनल ज्वेलरी शो २०१६ मा भाग लिन आजै बुधबार त्यसतर्फ लागेका छन् ।
भ्रमणवाट नेपालमा वन्दै गरेको सुन चाँदी , गर गहना, ज्वहारत सम्वन्धि नीति नियमको तर्जुमामा ठोस योगदान पुग्ने अपेक्षा गरिएको छ । यसका साथै, नेपालको २४ क्यारेटको गहना भारत तर्फ निकासी हुने संभावना प्रवल भएकोले दुई पक्षको बैठकमा यसवारे कुरा राखिने बताइएको छ । साथै नेपालमा पत्थरको खानी भएकोले जेम कटिङ्ग इण्डष्ट्रिज जोइन्ट भेन्चर विषयमा नेपाली पक्षले भारतको जिइएम काउन्सिललाई प्रस्ताव राखिने विषयमा पनि संघले जनाएको छ ।
नेपालले करिब रु २ अर्ब बरावरको पत्थर भारतबाट आयात गर्दै आएको अवस्थामा यो व्यापारिक मेलाको आयोजना हुनु दुवै देशका लागि हितकारी हुने टोलीले बताएकोछ । संघका अध्यक्ष मनिष लाल प्रधानको नेतृत्वमा टोली भारत प्रस्थान गरेको हो ।
२० साउन २०७३, ११।००
वि.सं.२०७३ साउन २० बिहीवार १२:३६ मा प्रकाशित