काठमाडौ । नेपाल इन्भेष्टमेन्ट बैंकले आगामी कार्तिक ७ गते मंगलबार आफ्नो ३१ औं बार्षिक साधारणसभा बोलाएको छ । बैंकले राष्ट्रिय सभा गृह प्रदशनीमार्गमा विहान १० बजे साधारणसभा गर्ने जनाएको छ ।
बैंकले साधारण सभामा गत आर्थिक बर्षको नाफाबाट १५ प्रतिशत बोनस सेयर तथा २५ प्रतिशत नगद लाभांश वितरण गर्ने प्रस्ताव गरेको छ । साधारण सभा प्रयोजनका लागि बैंकले असोज १८ गतेदेखि सभा हुने दिनसम्म बुक क्लोज गर्ने जनाएको छ ।
यसआधारमा बैंकले प्रस्ताव गरेको बोनस सेयर तथा नगद लाभांश असोज १७ गतेसम्म कायम रहेका सेयरधनीले मात्र पाउनेछन् । १५ प्रतिशत बोनस सेयर पश्चात बैंकको चुक्ता पूँजी १० अर्ब ६२ करोड रुपैयाँ नाघ्नेछ ।
प्रकाशित मितिः २०७४ असो ३
वि.सं.२०७४ असोज ३ मंगलवार ११:५६ मा प्रकाशित
