काठमाडौ । तपाईले कम जोखिम देखेर सेयरमा लगानी गरिसक्नुभयो वा आफ्नो उदेश्य पुरा गर्न सक्ने र लगानीयोग्य पुँजीले दोस्रो बजारमा सेयर खरिद गर्दै हुनुहुन्छ । ख्याल गर्नुहोला । एउटा कम्पनीको सेयरमा मात्र लगानी गर्दा त्यसको मूल्य घट्दै गयो वा कम्पनी डुब्यो भने नोक्सानी हुन सक्नेछ । तर दुई वा सो भन्दा बढि सेयरमा लगानी गरियो भने एउटा घट्दा पनि अर्काे बढ्न सक्छ । घटेको मूल्यलाई बढेको मूल्यले थेग्न सक्छ । अर्थात् नाफामा जाने वा नोक्सान कम हुने वा लगानीमा हुनसक्ने जोखिम कम गरेर पोर्टफोलियो निर्धारण गर्न सकिन्छ ।
यसरी पोर्टफोलियो तयार पारिएका सेयरहरुलाई समय समयमा मूल्याङ्कन गर्दै कम लाभ दिने वा लाभ दिन नसक्ने कम्पनीका सेयरलाई बिक्री गर्दै लाभ दिनसक्ने कम्पनीका सेयरमा लगानी गर्ने गर्नेतिर लाग्नुहोस् ।
कम जोखिम र बढि नाफा दिने खालका विभिन्न पोर्टफोलियो बनाई लगानी गरेपछि लगानीकर्ताहरुले हरहमेशा निम्न कुरामा ध्यान दिनैपर्छः–
–प्रत्येक दिन बजार मूल्यको सूचना लिने ।
–प्रत्येक दिन अनलाईन, पत्रपत्रिकाहरु पढ्ने अर्थात् संचारमाध्यमका समाचारहरुलाई गहनरुपमा अध्ययन गर्ने ।
– कम्पनीहरुले जारी गर्ने नयाँ सूचनाहरु जस्तै त्रैमासिक वित्तिय विवरणहरु, लाभाँस वितरण, हकप्रद सेयर निष्कासन, साधारणसभा, विशेष साधारणसभा बारे चनाखो बन्ने ।
– कम्पनीको साधारणसभामा जानुभन्दा अगाडि त्यस कम्पनीले प्रकाशन गर्ने वार्षिक प्रतिवेदन राम्ररी पढ्ने ।
– नियमितरुपमा ब्रोकरहरुसँग सम्पर्क गरि बजारको बारेमा जानकारी लिईराख्ने ।
– वार्षिक साधारणसभा बस्ने मिति, स्थान, समय तथा साधारणसभामा प्रस्तुत गरिने विषय, भावी रणनीति, लाभांशसम्बन्धी प्रस्ताव लगायत विषयलाई बुझेर साधारणसभामा अनिवार्य भाग लिने । आफुलाई चित्त नबुझेका कुराहरु साधारण सभामा पेश गर्ने ।
– लाभाँश वितरण सुरु हुने मितिलाई ख्याल गर्दै आफ्नो शेयर प्रमाणपत्र लिएर लाभाँस लिन जाने । आफु जान नसक्ने भएमा विश्वासिलो पात्रलाई मञ्जुरीनामा दिएर पठाउने ।
– आफुले लिएको सेयरको मूल्य घट्ने सम्भावना देखिएमा त्यसलाई बिक्री गर्ने, बढ्ने सम्भावना देखिएका सेयरलाई खरिद गर्ने । आफुले विश्लेषण गर्न जानिएन भने ब्रोकर एवं मध्यस्तकर्ताहरुको सहायता लिने ।
प्रकाशित मितिः २०७३ असोज २९
वि.सं.२०७३ असोज २९ शनिवार १६:१७ मा प्रकाशित
