काठमाण्डौं । नेपालमा सार्वजनिक भएको तीन दिनमा नै १८ सय ३० वटा आइफोन–सेभेन बिक्री भएको नेपालमा एप्पलको आधिकारिक बिक्रेता जेनेरेशन नेक्स्ट कम्युनिकेशनले बताएकोछ ।
कम्पनीले गत शुक्रबार आइफोन–सेभेन र आर्इफोन–सेभेन–प्लस बिक्री सुरु गरेको थियो । कम्पनीले अझै धेरै अर्डर आइरहेको बताउँदै बजारको रेस्पोन्सले उत्साहित बनाएको जनाएको छ।
कम्पनीका अनुसार इभो स्टोर, फ्युचर वर्ल्ड, ओलिज स्टोर, सोनु मोबाइल, एपेक्स डिजिटलबाट आइफोन खरिद गर्न सकिनेछ। फोन किन्दा कम्पनीले एक वर्षको वारेन्टीसहित भ्याट बिल दिने जनाएको छ।
कम्पनीले आइफोन ७ ३२ जिबीको ९१ हजार, १२८ जिबीको एक लाख ५५ सय र २५६ जिबीको १ लाख १९ हजार ५ सय मूल्य तोकेको छ। त्यसैगरी आइफोन सेभेन प्लसमा ३२ जिबीको १ लाख ८ हजार, १२८ जिबीको १ लाख २२ हजार ५ सय र २५६ जिबीको १ लाख ३६ हजार पर्ने पनि जानकारी दिएकोछ ।
८ मंसिर २०७३, ११।३०
वि.सं.२०७३ मंसिर ८ बुधवार १२:३२ मा प्रकाशित
