काठमाडौ । मैलुङ जलविद्युत कम्पनी लिमिटेड र रैराङ हाइड्रोपावर डेभलपमेण्ट कम्पनी लिमिटेडले साधारण सेयर जारी गर्ने अनुमति पाएका छन । नेपाल धितोपत्र बोर्डले यी दुवै कम्पनीलाई आयोजना प्रभावित क्षेत्रका स्थानीय बासिन्दाका लागि आईपीओ जारी गर्ने अनुमति दिएको हो । मैलुङ जलविद्युतले रसुवाबासी तथा रैराङ हाइड्रोपावर ताप्लेजुङबासीका लागि साधारण सेयर जारी गर्ने भएका हुन ।
रैराङ हाइड्रोपावर डेभलपमेण्ट कम्पनी लिमिटेडले पनि स्थानीय बासिन्दाका लागि ५ करोड ६० लाख बराबरको ५ लाख ६० हजार कित्ता साधारण सेयर निष्कासनको अनुमति पाएको छ । कम्पनीले स्थानीयबासीलाई सेयर बिक्री गरेपछि ८ लाख ४० हजार कित्ता शेयर सर्वसाधारणका लागि निष्काशन गर्नेछ । सेयर बिक्री तथा निष्काशनका लागि कम्पनीले एस क्यापिटल लिमिटेडलाई बिक्री प्रबन्धक नियुक्त गरेको छ ।
यस्तै मैलुङ जलविद्युतले आयोजना प्रभावित क्षेत्रका स्थानीय बासिन्दाका लागि ३ करोड ६८ लाख रुपैयाँ बराबरको ३ लाख ६८ हजार १४३ कित्ता शेयर निष्काशन गर्न लागेको हो । ६ मेगावाट विद्युत उत्पादन क्षमता रहेको यो आयोजना रसुवा जिल्लाको डाँडागाउँमा रहेको छ । कम्पनीको धितोपत्र निष्काशन तथा विक्री प्रवन्धक सिद्धार्थ क्यापिटल लिमिटेड रहेको छ ।
प्रकाशित मितिः २०७४ बैशाख २४
वि.सं.२०७४ वैशाख २४ आइतवार १५:५६ मा प्रकाशित
