काठमाडौं । नेपाल हाइड्रो डेभलपरको आइपीओ शुक्रबार (भदौ ३० गते) बाँडफाँट हुने भएको छ । नेपाल हाइड्रो डेभलपरले भदौ ३० गते ३ लाख ६२ हजार ७०० कित्ता सेयर सर्वसाधारणलाई दिईनेछ ।
आइपीओमा १ लाख ७३ हजार ९८३ जनाले १ अर्ब ५० करोड रुपैयाँको आवेदन दिएका थिए ।
यसआधारमा, सर्वसाधारणलाई बिक्री गरिएको ३ लाख ६२ हजार ७०० कित्ता सेयर न्यूनतम १० कित्ताको दरले बाँडफाँड गर्दा ३६ हजार २७० जना आवेदकले मात्र सेयर पाउनेछन् ।
धितोपत्र बोर्डको नयाँ नियम अनुसार सबै आवेदकलाई न्यूनतम १० कित्ता सेयर बाँडफाँट गर्नुपर्ने हुन्छ । आवेदक धेरै भएर सबैलाई १० कित्ता बाँडफाँट गर्न नपुग्ने अवस्थामा मात्र गोलाप्रथाबाट सेयर बाँडफाँट गर्न सकिने नियम छ । यसरी, गोलाप्रथाबाट बाँडफाँट गर्दा नेपाल हाइड्रोमा कुल आवेदक मध्ये २०.८४ प्रतिशतले मात्र सेयर पाउने भएका छन् ।
हाल कम्पनीको चुक्ता पुँजी २२ करोड १० लाख रुपैयाँ रहेको छ । आइपीओ बिक्रीपछि भने चुक्ता पुँजी २६ करोड रुपैयाँ पुगेको छ ।
प्रकाशित मितिः २०७४ भाद्र २५
वि.सं.२०७४ भदौ २५ आइतवार १४:२४ मा प्रकाशित