अमेरिका नेतृत्वको गठबन्धन सेनाले सिरियामा गरेको हवाई आक्रमणमा ५७ जनाको ज्यान गएको छ । गठबन्धन सेनाले बिद्रोही संगठन इस्लामिक स्टेट आइएसले चलाएको जेललाई लक्षित गरी हवाई आक्रमण गरेको र त्यसक्रममा ५७ जनाको ज्यान गएको अधिकारवादीलाई उद्धृत गर्दै बिबिसीले जनाएको छ ।
सिरियाको पूर्व क्षेत्र मायादिनमा रहेको जेलमा भएको आक्रमणमा ४२ जना कैदीबन्दी र १५ जना बिद्रोहीको ज्यान गएको मानवअधिकारवादी संस्था सिरियन अब्जरभेटरी फर ह्युमन राइट्सले जनाएको छ । आइएसले सर्वसाधारण नागरिक र आइएसको विरोधमा संघर्षरतलाई कैदी बनाएको थियो ।
गठबन्धन सेनाले भने घटनाको विषयमा अनुसन्धान भइरहेको जनाएको छ । गठबन्धन सेनाले सोमाबार त्यसक्षेत्रमा सात ठाउँमा हवाई आक्रमण गरेको जनाएको छ ।फाईल फोटो
प्रकाशित मितिः २०७४ असार १४
वि.सं.२०७४ असार १४ बुधवार १९:०२ मा प्रकाशित