भारतको दक्षिणी भागमा पर्ने तामिलनाडू राज्यका नेत्री तथा मुख्यमन्त्री जयराम जयाललितको स्थानीय समायानुसार सोमबार राति ११ः३० मा निधन भएको छ । दक्षिण भारतकी प्रख्यात अभिनेत्रीसमेत रहनु भएका जयललिताको ६८ बर्षको उमेरमा सोमबार निधन भएको हो ।
गत सेप्टेम्बर २२ देखि नै ज्वरो, शरीरमा पानीको कमी र श्वासप्रश्वासमा समस्याको कारण अस्पताल भर्ना भएकी जयललितालाई आइतबार हृदयघात भएको थियो । हृदयघातको कारण उनको अवस्था गम्भीर भएपछि उनीलाई अलेपो अस्पतालको सघन उपचार केन्द्रमा सारिएको थियो ।
हृदयघातपछि गरिएको शल्यक्रिया पश्चात पनि उनको अवस्था गम्भीर नै रहेको र सोमबार राति निधन भएको थियो ।
चेन्नइको प्रान्तीय राजधानीमा रहेको अपोलो अस्पतालमा मुख्यमन्त्री जयललिताको वरिष्ठ चिकित्सकको टोली लागेर उपचार भइरहेको थियो । चलचित्रका नायिकालगायत सफल भूमिकापछि राजनीतिमा प्रवेश गरेकी जयाललिता आइतबार राति हृदयघातबाट पीडित भएकी थिईन् ।
जयललिताले १३ बर्षको उमेरबाट चलचित्रमा अभिनय गर्न सुरु गरेकी थिईन् । उनले तामिल भाषाबाट बनाइएका करिब १५० वटा चलचित्रमा अभिनय गरेकी छिन् । उनले कैयौ पटक तामिलनाडू राज्यको मुख्यमन्त्रीको पद सम्हाली सकेकी थिईन् । आफ्ना समर्थकबीच ‘अम्मा’को नामबाट परिचित उनले सन् १९८० को सुरुबाट नै राजनीतिमा जीवन सुरु गरेकी हुन् । तामिल नाडू राज्यको अतिप्रिय अम्माको निधनबाट सारा तामिल नाडू नै वियोगमा डुबेको छ ।
पछिल्लो पटक सन् २०११ को मे महिनाबाट उनी तामिलनाडूको मुख्य मन्त्रीको पदमा थिईन् । सन् २०१४ मा जयललितालाई भष्टाचारको मुद्दामा दोष ठहर गरिएको र पछि उनले सफाई पाएपछि मुख्यमन्त्रीमा नै फर्किएकी थिईन् ।
जयललिताको निधनपछि तामिल नाडू राज्यमा सात दिनको शोकको घोषणा गरिएको छ भने बिद्यालय र विश्वबिद्यालयमा तीन दिनको विद्याको घोषणा गरिएको छ ।
प्रकाशित मितिः २०७३ मंसिर २१
वि.सं.२०७३ मंसिर २१ मंगलवार २०:१० मा प्रकाशित
