काठमाडौ । शतप्रतिशत अर्थात् एक बराबर एकको अनुपातमा हकप्रद सेयर निष्काशन गर्ने प्रक्रियामा रहेको जेविल्स फाइनान्स लिमिटेडले पुनः ४० प्रतिशत हकप्रद सेयर निष्काशन गर्ने प्रस्ताव अघि सारेको छ ।
हकप्रदसम्बन्धी प्रस्ताव पारित गर्न कम्पनीले असार २३ गते विशेष साधारणसभा गर्दैछ । साधारणसभा प्रयोजनका लागि असार १२ गतेदेखि सेयरधनी पुस्तिका बन्द रहने कम्पनीले जनाएको छ ।
जेविल्सले हाल कायम चुक्तापुँजीको शतप्रतिशत अर्थात २८ करोड ८९ लाख ५६ हजार दुई सय ५० रुपैयाँ बराबरको हकप्रद सेयर निष्काशन गर्ने अनुमति माग गर्दै नेपाल धितोपत्र बोर्डमा निवेदन दिएको छ । बोर्डबाट अनुमति पाउनेवित्तीकै कम्पनीले उक्त सेयर निष्काशन गर्नेछ । सो हकप्रद जारी गरिसकेपछि कायम चुक्तापुँजीको ४० प्रतिशत हकप्रद जारी गर्ने प्रस्ताव कम्पनीले साधारणसभामा लग्ने बताइएको छ ।
प्रकाशित मितिः २०७४ असार ८
वि.सं.२०७४ असार ८ बिहीवार ११:३४ मा प्रकाशित