इलाम । इलामस्थित ७.६ मेगावाटको जोगमाई खोला जलविद्युत आयोजनाले परीक्षण उत्पादन सुरु गरेको छ । निर्माण थालेको २७ महिनामा आयोजनाले उत्पादन सुरु गरेको सान्भी इनर्जी प्रालिका कार्यकारी निर्देशक भानु पोखरेलले जानकारी दिए ।
उनका अनुसार परीक्षण उत्पादनका क्रममा आयोजनाको एउटा युनिटले १.६ मेगावाट विद्युत उत्पादन गरिरहेको छ । उत्पादित विद्युत १३२÷३३ केभी गोदक सबस्टेसनमा जोडिएको छ । आयोजनाबाट वार्षिकरुपमा ४३ गिगावाट घन्टा विद्युत उत्पादन हुने कम्पनीले जनाएको छ ।
आयोजनाको विद्युत खरिद सम्झौता (पिपिए) वर्षा याममा प्रतियुनिट ४.८० रुपैयाँ र सुख्खा याममा प्रतियुनिट ८.४० रुपैयाँ भएको छ । आयोजनामा लक्ष्मी बैंकको अगुवाइमा ४ बैंकको लगानी छ ।
प्रकाशित मितिः २०७३ चैत ३०
वि.सं.२०७३ चैत ३० बुधवार १५:४१ मा प्रकाशित