काठमाण्डौँ । कृषि पत्रकार प्रतिष्ठान (जोना) र सहकारी पत्रकार समाजले आज यहाँ आयोजना गरेको ‘पारिवारिक खेती कार्यक्रम’बारे अन्तरक्रियामा सरकारले पारिवारिक खेतीलाई प्रोत्साहन गर्नुपर्नेमा सरोकारवालाले जोड दिएका छन् ।
सहभागीले बढ्दो सहरीकरण र अव्यवस्थित घर निर्माणले खेतीयोग्य जमिनको अभाव हुँदै गएका अवस्थामा पारिवारिक खेतीलाई नीतिमा नै उल्लेख गरी कार्यान्वयनमा ल्याउनुपर्ने बताए ।
नेपालमा सन् २०१४ देखि पारिवारिक खेती सुरु भएको हो । पारिवारिक खेती राष्ट्रिय कार्यान्वयन समितिका अनुसार सुरुको वर्ष सरकारले रु पाँच लाख विनियोजन गरेको थियने । उक्त रकम १२५ कृषकलाई रु साढे चार हजारका दरले वितरण गरी गमला खेतीबाट पारिवारिक खेती कार्यक्रम सुरु गरिएको थियो । समितिले अहिले विभिन्न युवा कृषकलाई लक्षित गरी कृषिका साथै पशुपालनमा समेत आर्थिक प्राविधिक सहयोग गरिरहेको जनाएको छ । यस पटक सरकाले रु ५० लाख छुट्याएकोछ ।
१९ असार २०७३, १०.४५
वि.सं.२०७३ असार १९ आइतवार १३:२२ मा प्रकाशित