इलाम । आसन्न स्थानीय निकायको निर्वाचनमा उम्मेदवारी दिन पत्रकार महासङ्घ इलाम शाखाका दुई पत्रकारले राजीनामा दिएका छन् ।
सो शाखाको कोषाध्यक्ष जय राई र कार्यसमिति सदस्य ठाकुर श्रेष्ठले आ–आफ्नो पदबाट राजीनामा दिएर नेकपा (एमाले) बाट उम्मेदवार बनेका हुन् ।
राई सूर्योदय नगरपालिका–९ र श्रेष्ठ इलाम नगरपालिका वडा नं ५ को वडाध्यक्षका लागि उम्मेदवारी दिएका छन् ।
दुवै पत्रकारले उम्मेदवार बन्न राजीनामा दिइसकेको अध्यक्ष कोकिला ढकालले बताइन् ।
११ जेठ २०७४
वि.सं.२०७४ जेठ ११ बिहीवार १४:५१ मा प्रकाशित