काठमाडौ । ज्योति विकास बैंक लिमिटेडले कमलादी क्षेत्र र भदकालीमा जेब्रा क्रसिङ बनाउने कार्यमा सहयोग गरेको छ । सडक दुर्घटना कम गर्न तथा पदयात्रुहरुलाई सडक पार गर्न सहजता होस भन्ने उद्देश्यसहित जेब्रा क्रसिङ बनाएको बैंकले जानकारी दिएको छ ।
बैंकले आफ्नो मुख्य कार्यालय–कमलादी, प्रज्ञा भवन, कमलादी गणेश मन्दिर तथा भद्रकाली मन्दिर अगाडी जेब्रा क्रसिङ बनाउन सहयोेग गरेको हो । यी स्थानहरुमा जेब्रा क्रसिङ नहुँदा पैदल यात्रुहरुले सडक पार गर्न कठिनाई भोग्दै आई रहेका थिए । बैंकका प्रमुख कार्यकारी अधिकृत कृष्ण बहादुर कुँवरका अनुसार बैंकले सामाजिक उत्तरदायित्व अन्तर्गत हरेक बर्ष यस्ता सेवामूखी कार्यहरु गर्दै आएको छ । साथै भविष्यमा पनि निरन्तरता दिइने उनले बताए ।
बैंकले ट्राफिक प्रहरी महाशाखा, रामशाह पथ संग समन्वय गरी उक्त कार्य सम्पन्न गरेको हो ।
प्रकाशित मितिः २०७४ असार ५
वि.सं.२०७४ असार ५ सोमवार १२:३७ मा प्रकाशित
