काठमाण्डौं । आज बिहीबार मात्र नेपाल स्टक एक्सचेञ्जमा कुल सात कम्पनीको एक करोड छ लाख ३५ हजार तीन सय दशमलव ४४ कित्ता कारोबारका लागि नेप्सेमा सुचिकृत भएको छ । नेप्सेमा दुई कम्पनीको हकप्रद तथा बोनस र चार कम्पनीको बोनस तथा एक्विजिशनमा गएको एक कम्पनीको सेयर सुचिकृत भएको हो ।
यसरी सेयर सुचिकृत गराउनेमा मुक्तिनाथ विकास बैंक र सहारा विकास बैंकले बोनस तथा हकप्रद गरी दुवै किसिमका सेयर सुचिकृत गराएका छन् । मुक्तिनाथ विकास बैंकको २८ लाख ५० हजार ६ सय ७१ दशमलव ३५ कित्ता बोनस सेयर र ४१ लाख ९२ हजार १ सय ६३ दशमलव ७५ कित्ता हकप्रद सेयर सुचिकृत भएको हो ।
यसैगरी सहारा विकास बैंकको ३ लाख ५४ हजार कित्ता हकप्रद सेयर र ८२ हजार ६ सय कित्ता बोनस सेयर सुचिकृत भएकोछ । मिर्मिरे माइक्रोफाइनान्सको १ लाख कित्ता बोनस सेयर सुचिकृत भएकोछ भने एभरेष्ट फाइनान्सको पनि १ लाख ९९ हजार ४ सय ३ कित्ता बोनस सेयर सुचिकृत भएकोछ । यसैगरी बोनस सेयर सूचिकृत गर्ने अर्को कम्पनीमा लुम्बिनी जनरल इन्स्योरेन्स रहेकोछ । यसले ६ लाख कित्ता बोनस सेयर नेप्सेमा सुचिकृत गराएकोछ ।
त्यस्तै, मेगासँग मर्जमा गएको टुरिजम डेभलपमेण्ट बैंकले मर्जमा जानु अघि मातृभूमी विकास बैंक र कालिञ्चोक डेभलपमेण्ट बैंकलाई खरिद गरेको थियो । खरिद गरिएका दुई संस्थाको सेयर टुरिजमको नाममा १३ लाख २८ हजार २ सय ७२ कित्ता सेयर नेप्सेमा सुचिकृत भएको छ । यस्तै, अरनिको डेभलपमेण्ट बैंकले भने ९ लाख २८ हजार १ सय ९० दशमलव ३४ हकप्रद सेयर नेप्सेमा आज सुचिकृत गराएकोछ ।
१२ फागुन २०७३, ११।००
वि.सं.२०७३ फागुन १२ बिहीवार ११:२१ मा प्रकाशित