काठमाण्डौं । नेपाल स्टक एक्सचेञ्ज नेप्सेमा हिजो सोमबार मात्रै ५ करोड ३६ लाख १४ हजार ९९४ कित्ता सेयर थपिएको छ । हिजो नेप्सेमा तीन वाणिज्य बैंक, दुई विकास बैंक तथा दुई लघुवित्त कम्पनीको बोनस तथा हकप्रद सेयर सूचिकृत भएको हो ।
सोमबार नेप्सेमा माछापुच्छे बैंकको एक करोड ९३ लाख २२ हजार सात सय कित्ता हकप्रद तथा ८० लाख १८ हजार ९ सय कित्ता बोनस सेयर सूचिकृत भएको छ ।
त्यस्तै सिद्धार्थ बैंकको एक करोड ४७ लाख ३२ हजार ६२७ कित्ता बोनस तथा एनएमबी बैंकको एक करोड ३ लाख १७ हजार ११८ कित्ता बोनस सेयर थपिएको हो ।
त्यस्तै, विजय लघुवित्तको २१ लाख कित्ता बोनस र वोमी माइक्रोको एक लाख आठ हजार कित्ता बोनस सेयर सूचिकृत भएको छ ।
यसैगरी, कसमश डेभलपमेन्ट बैंकको एक लाख अठार हजार ७३७ कित्ता बोनस सेयर तथा विराटलक्ष्मी विकास बैंकको ७ लाख ८६ हजार ९१२ कित्ता बोनस सेयर सुचिकृत भएको नेप्सेले जनाएको छ ।
२२ चैत २०७३, ७।००
वि.सं.२०७३ चैत २२ मंगलवार ०७:१७ मा प्रकाशित