काठमाण्डौं । हिजो र आज नेपाल स्टक एक्सचेन्ज नेप्सोमा ९ वटा कम्पनीले आफ्नो सेयर बिक्रीका लागि सूचिकृत गरेका छन् । यसरी सूचिकृत गर्नेमा अधिकांश कम्पनीले बोनस सेयर ल्याएका छन् । ती कम्पनीहरु यस प्रकार रहेका छन् ।
अल्पाईन डेभलपमेण्ट बैंकले २ लाख ७१ हजार ४ सय कित्ता बोनस सेयर र ८ लाख २० हजार कित्ता हकप्रद सेयर नेप्सेमा सूचिकृत गरेको छ । त्यस्तै, नेपाल बंगलादेश बैंकले पनि ९७ लाख २५ हजार ४ सय ७६ कित्ता बोनस सेयर नेप्सेमा सूचिकृत गरेकोछ ।
यसैगरी, आईसीएफसी फाइनान्स लिमिटेढले पनि ११ लाख ६४ हजार ९ सय ८५ दशमलव ११ कित्ता बोनस सेयर नेप्सेमा सूचिकृत गरेकोछ । अर्को कम्पनी ओमी माइक्रोफाइनान्स वित्तीय संस्थाले पनि १ लाख ८० हजार कित्ता हकप्रद सेयर सूचिकृत गरेकोछ ।
यस्तै, गुह्वेश्वरी मर्चेन्ट बैंकिङ एण्ड फाइनान्स लिमिटेडले १४ लाख ४० हजार ४ सय ७ दशमलव ५ कित्ता हकप्रद सेयरको नेप्सेमा सूचिकृत गराएकोछ । त्यस्तै, सिटिजन्स बैंक इन्टरनेशनल लिमिटेडले भने ७५ लाख ६ हजार ७ सय ५७ दशमलव ६२ कित्ता बोनस सेयरको सूचिकृत गराएकोछ ।
नेप्सेमा सेयर सूचिकृत गर्ने अर्को कम्पनी प्रभु इन्स्योरेन्स लिमिटेड रहेकोछ । यसले ५ लाख ५९ हजार ४ सय २४ दशमलव ६१ कित्ता बोनस सेयर सूचिकृत गरेको छ । त्यस्तै, एनआइसी एशिया बैंकले पनि १ करोड २० लाख ८ हजार ८ सय १ दशमलव ५८ कित्ता बोनस सेयर नेप्सेमा सूचिकृत गराएकोछ । यसैगरी, युनिक फाइनान्स लिमिटेडले पनि ३ लाख ८१ हजार ७ सय ७६ कित्ता बोनस सेयर
नेप्सेमा सूचिकृत गराएकोछ ।
१४ पुस २०७३, ११।००
वि.सं.२०७३ पुस १४ बिहीवार ११:४७ मा प्रकाशित