काठमाडौ । काबेली विकास बैंकले ५० प्रतिशत हकप्रद जारी गर्न साउन १९ मा बुक क्लोज गर्ने भएको छ । साउन १८ गतेसम्म कायम सेयरधनीले बैंकको हकप्रद सेयरमा आवेदन दिन सक्नेछन् । त्यसोहुँदा हकप्रद लिनका लागि बुक क्लोज हुनुभन्दा अघिल्लो दिनसम्म सेयर किनिसक्नुपर्नेछ ।
काबेलीले २ः१ अनुपातमा प्रतिकित्ता १०० रुपैयाँको दरको ३ लाख ५० हजार ८८० कित्ता हकप्रद सेयर बिक्री गर्न लागेको हो । काबेलीको बिक्री प्रबन्धकमा ग्लोबल आइएमई क्यापिटल लिमिटेड रहको छ ।
यस्तै मुक्तिनाथ विकास बैंकले ४० प्रतिशत हकप्रद जारी गर्न साउन २० मा बुक क्लोज गर्ने भएको छ । साउन १९ गतेसम्म कायम सेयरधनीले बैंकको हकप्रद सेयरमा आवेदन दिन सक्नेछन् । त्यसोहुँदा हकप्रद लिनका लागि बुक क्लोज हुनुभन्दा अघिल्लो दिन अर्थात् १९ गतेसम्ममा सेयर किनिसक्नुपर्नेछ ।
बैंकको १०ः४ अनुपातमा हकप्रद निष्काशनका लागि नेपाल धितोपत्र बोर्डबाट साउन २ गते नै अनुमति पाएको थियो । बैंकले १०ः४ अनुपातमा १०० रुपैंया दरका ६१ लाख ७० हजार ८६५.०४ कित्ता हकप्रद निष्काशन गर्नेछ ।
यसको हकप्रद बिक्री प्रबन्धकमा एनआइबिएल क्यापिटल मर्कैट्स लिमिटेड रहेको छ ।
प्रकाशित मितिः २०७४ साउन ११
वि.सं.२०७४ साउन ११ बुधवार १२:५९ मा प्रकाशित