काठमाण्डौं । कैलाश विकास बैंकको फागुन छ गतेदेखि खुला भएको चुक्ता पूँजीको २० प्रतिशत हकप्रद भर्ने आज बिहीबार अन्तिम दिन हो । बैंकले एक सय रुपैंया अंकित ३१ लाख ६० हजार ६७२ कित्ता हकप्रद सेयर निष्काशन गरेको हो ।
बैंकको सेयर निष्काशन तथा बिक्री प्रबन्धक ग्लोबल आईएमई क्यापिटल रहेको छ । हकप्रदमा आवेदन दिन सेयरधनीले क्यापिटलको कार्यालय जमल तथा कैलाश विकास बैंकका सबै शाखाहरुबाट आज बिहीबार दिउँसो तीन बजेसम्म आवेदन गर्न सक्नेछन् ।
बैंकको पाँच सेयर भएका सेयरधनीले एक कित्ताको लागि आवेदन गर्न सक्नेछन् । बैंकको हकप्रदमा गत पुस १३ गतेसम्ममा सेयर खरिद गरेका सेयरधनीले मात्र आवेदन गर्न सक्ने क्यापिटलले जनाएको छ ।
१० चैत २०७३, १०।००
वि.सं.२०७३ चैत १० बिहीवार १२:४३ मा प्रकाशित