काठमाण्डौं । कालीगण्डकी ‘ए’ जलविद्युत् आयोजनामा देखिएको समस्या समाधानका लागि एक हप्ता परियोजना बन्द गरिएको छ। स्याङ्जाको मिर्मीमा रहेको आयोजना मर्मतका लागि हिजो मंगलबार बिहानदेखि बन्द गरिएको आयोजना प्रमुख श्रीरामराज पाण्डेले जानकारी दिए।
प्रमुख पाण्डेका अनुसार सुरुङबाट पेनस्टक हुँदै टर्वाइनसम्म पानी पठाउने पाइपको मुख्यद्वारमा समस्या देखिएपछि मर्मतका लागि उत्पादन बन्द गरी मर्मत सुरु गरिएको हो। उनले कम्तीमा पनि मर्मतका लागि एक साता समय लाग्ने बताए।
कुल १४४ मेगावाट क्षमताको सो आयोजनाको मंगलबार बिहानसम्म ९० मेगावाट विद्युत् उत्पादन गर्दै आएको थियो। एउटा युनिट मर्मत गर्न अरू पनि बन्द गर्नुपर्ने भएकाले समस्या पैदा भएको उनले बताए। विगत १४ वर्षदेखि चल्दै आएको सो परियोजनाको उक्तद्वार पहिलो पटक मर्मत हुन लागेको हो। आयोजनामा तीनवटा युनिटबाट ४८ मेगावाटका दरले विद्युत् उत्पादन हुँदै आएको थियो।
१२ चैत २०७३, ९.००
वि.सं.२०७३ जेठ १२ बुधवार १०:५४ मा प्रकाशित
