काठमाडौ । कालिका माइक्रोक्रेडिट डेभलपमेन्ट बैंकका सेयरधनीले ६५ प्रतिशत बोनस सेयर पाउने भएका छन् । बोनस वितरण गर्ने सम्बन्धी प्रस्ताव पारित गर्न बैंकले वैशाख २३ गतेका लागि सातौँ वार्षिक साधारणसभा डाकेको छ । स्याङजाको वालिङमा रहेको होटल भेनसमा साधारण सभा हुने भएको छ ।
साधारणसभा प्रयोजनका लागि बैंकले बैशाख ४ गतेदेखि २३ गतेसम्म सेयरधनी पुस्तिका बन्द गर्ने निर्णय गरेको छ । जसअनुसार, बैशाख ३ गतेसम्म कायम सेयरधनीले मात्रै बैंकको सातौँ साधारणसभामा भाग लिन पाउनेछन् । प्रस्तावित बोनस प्राप्त गर्नका लागि पनि बैशाख ३ गते भित्रमा नै सेयर किनिसकेको हुनुपर्नेछ ।
बैंकको साधारणसभामा थप ५ जिल्लाहरुमा कार्यक्षेत्र विस्तार गर्ने, मुख्य कार्यालय पोखरा सार्ने र अन्य प्रस्ताबहरु पनि पेश हुने सूचनामा उल्लेख छ ।
प्रकाशित मितिः २०७३ चैत २५
वि.सं.२०७३ चैत २५ शुक्रवार १२:५२ मा प्रकाशित
