ललितपुर । जिल्ला भूमिसुधार कार्यालय ललितपुरले कनकमणि दीक्षित परिवारको हदबन्दी भन्दा बढी भएको जग्गा सरकारको नाममा राख्ने निर्णय गरेको छ। भुमिसुधार कार्यालयको हिजो बसेको बैठकले दीक्षित परिवारको नाममा रहेको हदबन्दी भन्दा बढी जग्गाको स्वामित्व सरकारले लिने निर्णय गरेको हो।
कार्यालयले उपमहानगरपालिका ललितपुरको वडा नम्बर ३ मा रहेको १८ रोपनी ३ आना जग्गा लिने ललितपुर भूमिसुधार कार्यालयका सूचना अधिकृत रत्नमान उदासले पहिलोपोस्टलाई बताए।
अख्तियार दुरुपयोग अनुसन्धान आयोगको निर्देशनमा कार्यालयले एक साताअघि कनकमणि दीक्षित, कमलमणि दीक्षित र कुन्दनमणि दीक्षितका नाममा सात दिने म्याद जारी गरेको थियो। दीक्षित परिवारले प्रमाण नजुटाएपछि जग्गा सरकारले लिने निर्णय गरेको हो।
२० साउन २०७३, १०।००
वि.सं.२०७३ साउन २० बिहीवार ११:०७ मा प्रकाशित