काठमाडौं । कर्मचारी सञ्चय कोषको ऋण समयमै चुक्ता नगने ऋणीहरूलाई कालोसूचीमा राखिने भएको छ । यसअघि बैंक तथा वित्तीय संस्थाको ऋण चुक्ता नगरे कालोसूचीमा राख्ने व्यवस्था भए पनि सञ्चय कोषका ऋणीहरूको हकमा भने यस्तो व्यवस्था थिएन ।
‘कर्मचारी सञ्चय कोष ऐनलाई संशोधन गर्न बनेको विधेयक २०७१’मा ऋणीहरूलाई कालोसूचीमा राख्ने व्यवस्था गरिएको छ । यसअनुसार कोषसँग कोषबाट ऋण लिएको कुनै व्यक्ति वा संगठित संस्थाले हानी नोक्सानी पुर्यार्एमा वा कोषलाई ऋण तिर्न बुझाउनुपर्ने बाँकी नबुझाएका त्यस्ता व्यक्ति वा संस्थालाई कालोसूचीमा राख्ने व्यवस्था गरिएको छ । त्यस्तै, ठेक्का लिएको वा कुनै किसिमको ठेक्कापट्टामा हिस्सेदार भएको वा कोषले लगानी गरेको ऋणीसमेत कालोसूचीमा पर्नेछन् ।
कालोसूचीमा राखिएका व्यक्ति वा संस्थालाई कोषले कालोसूचीबाट हटेको २ वर्षसम्म पनि कुनै ऋण दिन पाउने छैन। त्यस्तै ठेक्कापट्टा दिने वा हिस्सेदार बनाउन समेत सक्ने छैन । कारोबार दैनिकमा समाचार छ ।
प्रकाशितः २०७३ असार ५
वि.सं.२०७३ असार ५ आइतवार ११:२८ मा प्रकाशित
