राष्ट्र बैंकले तोकेको चुक्ता पूँजी पुर्याउने ध्येयका साथ नेपालगञ्जमा प्रधान कार्यालय रहेको कर्णाली डेभलपमेन्ट बैंकले असार ३ गते विशेष साधारणसभा बोलाएको छ । बैंकको जेठ १२ गते बसेको सञ्चालक समिति बैंठकले २२५ प्रतिशत हकप्रद प्रस्ताव राखेर विशेष साधारणसभा बोलाउने निर्णय गरेको हो ।
बैंकले मर्जर वा अन्य विकल्पतिर नलागि हकप्रदबाटै चुक्ता पूँजी पुर्याउने उदेश्यका साथ विशेष साधारणसभा डाकेको हो । जेठ २१ गतेसम्म बैंकको सेयरधनी बनेका लगानीकर्ताले विशेष साधारणसभामा भाग लिन पाउनेछन् ।
बैंकले दुई सय पच्चिस प्रतिशत हकप्रद अर्थात एक कित्ता बराबर दुई दशमलव २५ कित्ता हकप्रद जारी गर्न लागेको हो । बैंकको छैटौं बार्षिक साधारणसभाले १५ करोड १० लाख रुपैँयाको चुक्ता पूँजीको आठ प्रतिशत अर्थात एक करोड २० लाख ८० हजार रुपैयाँ बोनस प्रस्ताव पारित गरेको छ ।
प्रकाशित मितिः २०७४ जेठ १७
वि.सं.२०७४ जेठ १७ बुधवार १४:१६ मा प्रकाशित