भारत प्रशासित काश्मिरमा सामाजिक सञ्जाल तथा मोबाइल इन्टरनेटमाथि लगाइएको प्रतिबन्ध फुकुवा गर्न संयुक्त राष्ट्रसंघका अधिकारीले अपिल गरेका छन् । वाक स्वतन्त्रता तथा मानवअधिकारको क्षेत्रमा कार्यरत राष्ट्रसंघका ती अधिकारीले सामाजिक सञ्जालमाथि लगाइएको प्रतिबन्ध हटाउन माग गरेका हुन् । ती अधिकारीले सामाजिक सञ्जाल तथा मोबाइल इन्टरनेटमाथिको प्रतिबन्ध सामूहिक सजाय जस्तै भएको बताएका छन् ।
त्यस्तै प्रतिबन्धले नागरिकको सूचनाको हक तथा वाक स्वतन्त्रता हनन गरेको आरोप लगाएका छन् । भारत प्रशासित काश्मिरमा गएको अप्रिल २६ देखि फेसबुक, ट्वीटर, ह्वाट्सएप लगायत १६ वटा सामाजिक सञ्जालमाथि प्रतिबन्ध लगाएको थियो । यी वेबसाइटबाट सरकार विरोधी गतिविधि सञ्चालन गरिएको आरोप लागेको थियो ।
प्रकाशित मितिः २०७४ बैशाख २९
वि.सं.२०७४ वैशाख २९ शुक्रवार ०९:०९ मा प्रकाशित