काठमाण्डौं । काष्ठमण्डप डेभलपमेन्ट बैंकले प्रस्ताव गरेको २३.३७ प्रतिशत बोनस तथा कर प्रयोजनका लागि १।२३ प्रतिशत नगद लाभांश वितरण गर्ने प्रस्तावलाई राष्ट्र बैंकले अनुमति दिएको छ । अब बैंकको आगामी साधारणसभाबाट पारित भएपछि लगानीकर्ताले उक्त बोनस पाउने भएका छन् ।
यसका साथै बैंकले गत कात्तिक २६ गतेबाट चुक्ता पूँजीको २५ प्रतिशत अर्थात १६ लाख ९९ हजार कित्ता हकप्रद सेयर बिक्रीका लागि आवेदन समेत खुलाएको छ । बैंकको हकप्रदमा असोज १६ गतेसम्म कायम सेयरधनीले मंसिर ३० गतेसम्म आवेदन दिन पाउनेछन् ।
कुमारी बैंकले एक्वायर गर्न लागेको यस बैंकको हाल ६७ करोड ९८ लाख रुपैंया चुक्ता पूँजी रहेको छ । बोनसपछि पूँजी झण्डै ८४ करोड रुपैयाँ पुग्नेछ ।
१७ मंसिर २०७३, १।००
वि.सं.२०७३ मंसिर १७ शुक्रवार १९:०४ मा प्रकाशित
