काठमाण्डौं । निर्माण सामग्रीको अभावका कारण पुरानो बसपार्कमा बनाउन लागिएको काठमाण्डौँ टावरको निर्माण कार्य अन्योलमा परेको छ ।
टावर निर्माणको लागि सिमेन्ट, ढुङ्गा, गिट्टी बालुवालगायतको सामग्री बाहेक सम्पूर्ण सामग्री भारतबाट ल्याउनुपर्ने भएकाले निर्माण कार्य सुरु गर्न ढिला भएको निर्माणको जिम्मा पाएको जलेश्वर, स्वछन्द र विकोईले जानकारी दिएकोछ । हाल पुरानो बसपार्कमा जस्ताले बार्ने काम भइरहेको छ ।
टावरको लागत रु तीन अर्ब ५० करोड पुग्ने अनुमान गरिएको महानगरपालिका प्रवक्ता ज्ञानेन्द्र कार्कीले जातनकारी दिनुभयो । भवनको सबैभन्दा तल्लो तलामा बसको पार्किङ रहने छ । त्यस्तै, त्यसको माथि दुई तलामा हलुका गाडीको पार्किङ, व्यवस्थित सिनेमा हल, पौडी पोखरी, रेस्टुराँ, बैंक तथा महानगरपालिकाको वडा कार्यालयसमेत रहनेछ । भवनका लागि २३ रोपनी पाँच आना जग्गा छुट्याइएको छ ।
२४ जेठ २०७३, १२।३०
वि.सं.२०७३ जेठ २४ सोमवार १३:४७ मा प्रकाशित
