काठमाण्डौं । खानी खोला हाइड्रोपावर कम्पनीले निष्काशन गरेको ९ लाख ३१ हजार ४ सय २९ कित्ता साधारण सेयरका लागि ६ अर्ब ८२ करोड रुपैंयाको आवेदन परेको छ । जेठ १६ देखि १९ गतेसम्म निष्काशन भएको सेयरका लागि १ लाख ३५ हजार वटा आवेदनबाट उक्त रकमको आवेदन परेको कम्पनीको सेयर निष्काशन तथा बिक्रि प्रबन्धक सिभिल क्यापिटलले जनाएको छ ।
सेयरका लागि ७३ गुणा बढी आवेदन परे पनि चेकमा देखिएको त्रुटि धेरै भएकाले बैंकहरुबाट चेक फिर्ता आउन थालेको बताइएको छ । आवेदकले आवेदन दिने क्रममा ध्यान नदिइ चेक खिच्दा चेकमा राखिनु पर्ने रकम जम्मा गर्ने संस्थाको नाम गलत भएको भन्दै चेक फिर्ता आइरहेको छ ।
कम्पनीले १०० रुपैयाँ अंकित दरका नौं लाख ३१ हजार ४ सय २९ कित्ता सेयर निस्कासन गरेको थियो ।
२१ जेठ २०७३, १०.००
वि.सं.२०७३ जेठ २१ शुक्रवार ११:३० मा प्रकाशित
