काठमाण्डौं । किंग्स कलेजले श्रृजना, प्रतिस्पर्धा र मनोरञ्जन विषयबस्तु अन्तर्गत रहि यहि फाल्गुन १७ देखि १८ सम्म काठमाण्डौं कमलादीस्थित एकेडेमी हलमा हाम्रो उत्सवको आयोजना गर्ने भएको छ । उत्सवमा स्टक मार्केट च्यालेन्ज, सोसल मिडिया मार्केटिङ्ग तथा ब्यवसायिक योजना लेखाइ लगायतका बिषयमा सहभागी बिधार्थीहरुले प्रतिपर्धा गर्ने आयोजकले जनाएको छ ।
उत्सवमा स्टक मार्केट च्यालेन्जःसोसल मिडिया मार्केटिङ्गः ब्यवसायिक योजना लेखाइः हाजिरी जवाफः मानव संशाधान प्रतिस्पर्धाः लगायतका बिषयमा सहभागी बिधार्थीहरुले प्रतिपर्धा गर्ने आयोजकले जनाएको छ ।
स्टक मार्केट च्यालेन्ज प्रतिस्पर्धाले प्रतिस्पर्धीहरुलाई विभिन्न कम्पनीहरुको स्टकमा कसरी लगानी गर्ने भन्नेबारे विचार तथा निर्णय गर्ने अवसर प्रदान गर्नेछ । प्रतिस्पर्धाअन्तर्गत एक भर्चुअल स्टक मार्केटको श्रृजना गरिनेछ भने प्रतिस्पर्धीहरुलाई प्रतिस्पर्धाका लागि भर्चुअल सिड रकम उपलब्ध गराइने छ । लगानीमा अधिकतम प्रतिफल हासिल गर्ने समूह यस प्रतिस्पर्धाको विजयी घोषित हुनेछ ।
यस उत्सवले नेपालभरीका १७ वटा कलेजहरुका विभिन्न संकायहरुको जस्तै विज्ञान, कला, मानविकी, ब्यवस्थापन, फेसन लगायत ५०० भन्दा बढी विद्यार्थीहरुलाई एकै थलोमा ल्याउने र स्नातकोत्तर र स्नातक तहका विद्यार्थीहरुका लागि नेपालको सबैभन्दा बृहत कार्यक्रम हुने अपेक्षा लिइएको कलेजका कार्यकारी निर्देशक एवं प्रिन्सिपल नरोत्तम अर्यालले बताए।
१६ फागुन २०७३, १२।००
वि.सं.२०७३ फागुन १६ सोमवार १३:१३ मा प्रकाशित
