काठमाडौं । अत्याधुनिक बैकिङ्ग सेवा पुर्याउँने उद्देश्यका साथ कुमारी बैंक लिमिटेडले नयाँ कोर बैंकिङ सफ्टवेयर खरिद गर्नका लागि मल्टिनेशनल सफ्टवेयर कम्पनीं इन्फोसिस लिमिटेड (Infosys limited) सँग फिनाकल–१० कोर बैकिङ्ग सिष्टम लेटेस्ट भर्सन सफ्टवेयर खरिद गर्ने सम्झौता गरेको छ ।
ग्राहकवर्गको सुविधालाई मध्य नजर गर्दै बैंकले सेवा चुस्त र प्रभावकारी बनाउन लागेको बताएको छ । फिनाकल संसारभरि चलेको उच्चस्तरीय बैंकिङ सफ्टवेयरमध्ये एक हो । कोर बैंकिङ सफ्टवेयर लागू भएपछि ग्राहकलाई गुणस्तरीय बैंकिङ सेवा प्रदान गर्ने क्षमतामा वृद्धि हुने विश्वास बैकको रहेको छ । बैंकका प्रमुख कार्यकारी अधिकृत सुरेन्द्र भण्डारीले फिनाकल सिस्टमबाट ग्राहकले थप गुणस्तरीय सेवा प्राप्त गर्ने विश्वास व्यक्त गरेका छन् । फिनाकल सफ्टवेयर विश्वका ४५ वटा देशहरुमा प्रयोग भइरहेको छ । नेपालमा आधुनिक प्रविधियुक्त यस्तो सफ्टवेयरको प्रयोग सन् १९९६ देखि हुँदै आएको छ । हाल नेपालमा ११ वटा बैंकले यो सफ्टवेयरको प्रयोग गरेका छन् । कुमारी बैंकका सिइओ भण्डारी तथा इन्फोसिस्का डाइरेक्टर अंकुर सक्सेनाले सम्झौता पत्रमा हस्ताक्षर गरेका छन् ।
नेपालमै सर्वप्रथ ‘ईन्टरनेट बैंकिङ्कको’ सुरुवात कुमारी बैंकले गरेको हो । हाल कुमारी बैंकले ७४ शाखा तथा २ वटा एक्सटेन्सन काउन्टरहरुवाट सेवा प्रदान गरिरहेको छ । यसका अतिरिक्त बैंकका एटिएम संख्या ५७ पुगेको छ ।
प्रकाशित मिति : ८ असोज २०७४
वि.सं.२०७४ असोज ८ आइतवार १३:४७ मा प्रकाशित