झापा। नेकपा (एमाले) का नेता लालबाबु पण्डितले अब मुलुकलाई समृद्धिको मार्गमा अघि बढाउनुपर्ने बेला आएको बताएका छन् । झापाको खुदुनाबारी गाउँ कमिटीले आयोजना गरेको कार्यकर्ता प्रशिक्षण कार्यक्रमलाई सम्बोधन गर्दै पूर्व सामान्यप्रशासन मन्त्री पण्डितले मागेर मुलुक समृद्ध नहुने बताए ।
एमालेले देशव्यापी जागरण अभियान सञ्चालन गरेर परिवर्तनको पाइला चालेको उनको भनाइ थियो । मुलुकको राष्ट्रियताको जगेर्ना एमालेले मात्र गर्नसक्ने जिकिर गर्दै नेता पण्डितले एमालेले चालेको परिवर्तनको पाइलामा साथ दिन आह्वानसमेत गरे ।
कार्यक्रममा विभिन्न पार्टी परित्याग गर्दै ५० जनाभन्दा बढी एमालेमा प्रवेश गरेको खुदुनाबारी गाँउ कमिटीका अध्यक्ष बमबहादुर कार्कीले जानकारी दिएका छन् ।
प्रकाशित मितिः २०७३ फागुन २
वि.सं.२०७३ फागुन २ सोमवार १४:४३ मा प्रकाशित
