काठमाडौ । ललितपूर फाइनान्स लिमिटेडले शतप्रतिशत अर्थात एक बराबर एकको अनुपातमा हकप्रद सेयर निष्काशन गर्ने भएको छ । हकप्रद निष्काशनका लागि कम्पनीले नेपाल धितोपत्र बोर्डबाट अनुमति प्राप्त गरेको छ । फाइनान्सले वैशाख ११ गते धितोपत्र बोर्डबाट अनुमति पाएको हो ।
फाइनान्सले एक सय रुपैयाँ अंकित मूल्यमा १८ करोड ७९ लाख ४५ हजार चार सय रुपैयाँ बराबरको १८ लाख ७९ हजार चार सय ५४ कित्ता हकप्रद सेयर निष्काशन गर्नेछ । हकप्रद निष्काशनका लागि फाइनान्सले ग्लोबल आईएमई क्यापिटल लिमिटेडलाई सेयर निष्काशन तथा विक्री प्रबन्धकमा नियुक्त गरेको छ ।
हाल ललितपूर फाइनान्सको चुक्तापुँजी १८ करोड ७९ लाख ४५ हजार चार सय रुपैयाँ रहेको छ । शतप्रतिशत हकप्रद सेयर निष्काशन गरेपछि फाइनान्सको चुक्तापुँजी ३७ करोड ५८ लाख ९० हजार छ सय रुपैयाँ पुग्नेछ ।
प्रकाशित मितिः २०७४ बैशाख १५
वि.सं.२०७४ वैशाख १५ शुक्रवार १०:१० मा प्रकाशित