काठमाण्डौं । कतै तपाईले आफ्नो जग्गा जमिन बाँझै राख्नु भएकोत छैन ? छ भने आजै सजग हुनुहोस् । सरकारले भूमि सुधार नीतिमा परिवर्तन ल्याउँदैछ । यसका साथै जग्गा बाँझो राखे सरकारले लिने नीति तयार पार्नुका साथै खेतीयोग्य जग्गा बाँझो राखेमा हर्जाना लगाउने सम्मको तयारी सरकारले गर्न थालिसकेको छ।
भुमिसुधार तथा व्यवस्थापन विभाग हदबन्दी शाखा प्रमुख वासुदेव हुमागार्इँले बाँझो जग्गा राखे गुम्ने खतरा रहेको बताए। हुमागाईंका अनुसार जग्गा खाली छोड्नुभन्दा तार÷वार लगाएर छोड्ने वा रुख विरुवा रोपेर छोड्नु राम्रो हो।
उनका अनुसार आफ्नो जग्गा भएको ठाउँमा वर्षको एकपटक आएर हेर्नुपर्छ। उनले भूमिसुधार नीतिमा परिवर्तन गर्ने अन्तिम तयारी भइरहेको बताउँदै जग्गा बाँझो राखे सरकारले लिने जानकारी दिए । जग्गा बाँझो छाडेर विदेशिने प्रवृतिले खाद्यान्नमा चरम परनिर्भर बनाउँदैछ। मुलुकभित्र झन्डै एक खर्ब रुपैयाँ बराबरको खाद्यान्न आयात हुन्छ। हुमागार्इँले खाद्यान्नको परनिर्भरता तोड्न समेत जग्गा बाँझो राख्नेलार्इ कारवाही प्रक्रिया अघि बढाउनु उपयुक्त हुने बताए।
३० असोज २०७३, ११।००
वि.सं.२०७३ असोज ३० आइतवार १२:१५ मा प्रकाशित
