काठमाण्डौँ । लक्ष्मी बैंक एक बराबर एक अर्थात शतप्रतिशत हकप्रद सेयर निष्कासनको अनुमति माग्दै धितोपत्र बोर्ड पुगेको छ । बैंकले एक बर्ष अगाडि अर्थात् गत बर्ष माघमा सम्पन्न पन्ध्रौ बार्षिक साधारणसभाले नै शतप्रतिशत हकप्रदको प्रस्ताव पारित गरेको थियो ।
बैंकले तीन अर्ब १५ करोड ९० लाख ३० हजार तीन सय रुपैयाँको तीन करोड १५ लाख ९० हजार ३ सय ३ कित्ता हकप्रद सेयर जारी गर्ने भएको हो । हाल लक्ष्मी बैंकको चुक्ता पूँजी ३ अर्ब ३ करोड रुपैंयाँ रहेको छ ।
त्यस्तै, बैंकले गत वर्षको कमाईबाट लगानीकर्तालाई ३८ प्रतिशत बोनस सेयर दिने घोषणा गरेको छ । हकप्रद भर्नेले पनि बोनस सेयर दिने भएकाले लगानीकर्ताले पाउने वास्तविक बोनस दर भने १८।२९५ मात्र हुन आउँछ ।
बैंकको हकप्रद सेयरका लागि बिक्री तथा निष्कासनको जिम्मेवारी सिद्धार्थ क्यापिटल लिमिटेड तोकिएकोछ । प्रोफेसनल दियालोलाई गाभेको बैंकले माघ दुईगतेबाट एकिकृत कारोबार समेत थालिसकेको छ ।
२८ माघ २०७३, १।००
वि.सं.२०७३ माघ २८ शुक्रवार १४:०४ मा प्रकाशित