काठमाडौं । लक्ष्मी लघुवित्तको साधारण सभा मंसिर ३ गते हुने भएको छ । सभामा लक्ष्मीले हाल कायम चुक्ता पुँजीबाट १० प्रतिशत बोनस र १६.३२ प्रतिशत नगद लाभांश दिने प्रस्ताव साधारण सभामा पेश गर्दैछ ।
यसआधारमा कम्पनीले बोनसका लागि २ करोड २० लाख रुपैयाँ र नगद लाभांश बापत ३ करोड ५८ लाख ९४ हजार ७३७ रुपैयाँ खर्च गर्नेछ ।
लक्ष्मी लघुवित्तले आर्थिक वर्ष २०७३–०७४ को वार्षिक प्रतिवेदन र नाफा नोक्सान हिसाब लगायतका वित्तीय विवरणमा छलफल गर्ने प्रस्ताव पनि लैजानेछ ।
साधारण सभा गर्न कम्पनीले कात्तिक २३ देखि मंसिर ३ गतेसम्म बुक क्लोेज गर्ने भएको छ । जस अनुसार, कात्तिक २२ गतेसम्म कायम सेयरधनीले मात्र लाभांश लिन पाउनेछन् ।
प्रकाशित मितिः २०७४ कार्तिक ६
वि.सं.२०७४ कात्तिक ६ सोमवार ११:३५ मा प्रकाशित