काठमाडौ । नेपाल स्टक एक्सचेञ्जमा लक्ष्मी बैंक र गुडविल फाइनान्सको सेयरमूल्य समायोजन भएको छ । नेपाल स्टक एक्सचेन्ज लिमिटेडले लक्ष्मी बैंकको १८.२९ प्रतिशत बोनसमा मूल्य समायोजन गरेर प्रतिकित्ता ४१४ रुपैयाँमा कारोबार खुला गरेको छ ।
लक्ष्मीकोे औसत आधार मूल्य भने ४३५ रुपैयाँ छ । बैकले असार १३ गते बोलाएको वार्षिक साधारण सभामा १८.२९ प्रतिशत बोनस सेयर दिने प्रस्ताव गरेको छ ।
शतप्रतिशत हकप्रद बिक्री गरेको लक्ष्मीले हकप्रदले समेत पाउनेगरी बोनस वितरण गर्न लागेको हो । बैंकले आगामी असार १३ गते साधारणसभा बोलाएको छ ।
त्यस्तै ६० प्रतिशत हकप्रद बिक्री गर्न लागेको गुडविल फाइनान्सको हकप्रदपछि सेयरमूल्य २२४ रुपैयाँ कायम भएको छ । जसको आधारमूल्य २६५ रहेको छ।
फाइनान्सले हाल कायम चुक्ता पूँजीको ६० प्रतिशत हकप्रद असार १८ गतेदेखि निष्काशन गर्ने भएको छ ।
प्रकाशित मितिः २०७४ असार ४
वि.सं.२०७४ असार ४ आइतवार १२:२६ मा प्रकाशित