काठमाडौ । ग्लोबल हाईड्रोपावर एसोसिएट प्रालिले हाल निर्माण गर्न लागेकोे ३३.४ मेगावाट क्षमताको लिखु–२ जलविद्युत आयोजनाको लागि ४ अर्व ५१ करोड रुपैयाँ कर्जा लगानी जुटेको छ । उक्त आयोजनामा माछापुच्छ्रे बैंकको अगुवाइमा ६ बैंक तथा वित्तीय संस्थाहरुले सो मात्राको नगद लगानी गर्ने सम्बन्धि सम्झौता गरेका छन् ।
बैंक तथा वित्तीय संस्थाहरुको तर्फबाट अगुवाई गरेको माछापुच्छ्रे बैंकका प्रमुख कार्यकारी अधिकृत निरज कुमार श्रेष्ठ र प्रवद्र्धक ग्लोबल हाईड्रोपावर एसोसिएटका तर्फबाट अध्यक्ष मोतीलाल दुगडबीच उक्त सम्झौता भएको हो ।
लगानी सम्झौता भएको २/३ महिनाभित्रै आयोजनाका मुख्य संरचनाहरु निर्माण प्रारम्भ गरी २०७७ श्रावण १ भित्रै विद्युत उत्पादन गर्ने लक्ष्य लिइएको छ । यसमा मेगा बैंक नेपाल, नेपाल एसबिआइ बैंक, नेपाल बङ्लादेश बैंक, एभरेष्ट बैंक र भिवोर सोसाइटी डेभलपमेण्ट बैंक रहेका छन् । आयोजनाको लगानी संरचनाअनुसार कुल लागत ६ अर्व २ करोड रुपैयाँमध्ये ७५ प्रतिशत बैंक तथा वित्तीय संस्थाको र २५ प्रतिशत प्रवर्धकको लगानी रहने छ । बैंकहरुद्धारा कर्जा लगानी गर्ने निश्चित भएपछी आयोजनाको निर्माण कार्य दु्रत अगाडि बढ्ने भउको छ ।
लिखु–२ जलविद्युत आयोजना रामेछाप जिल्लाको गुम्देर गाविस र सोलुखुम्बु जिल्लाको भकञ्जे गाविसमा अवस्थित छ ।
प्रकाशित मितिः २०७३ पुस १५
वि.सं.२०७३ पुस १५ शुक्रवार १३:५२ मा प्रकाशित
