काठमाण्डौं । लायन्स क्लब इन्टरनेशनल नेपाल ३२५ बी १ अन्तर्गतको गोंगबुको नयाँ कार्यकालका लागि अध्यक्षमा भरतबहादुर खत्री चुनिएका छन् । हिजो सम्पन्न भएको कार्यसमितिको बैठकबाट फस्ट भिपी लायन भरत बहादुर खत्री अध्यक्षमा चयन भएका हुन् ।
सो अवसरमा ३२५ बी १ का गभर्नर ध्रुव थापा, पीएमसीसी राजन लम्साल, भीडीजी बालकृष्ण बुर्लाकोटी एवं लायन्स क्लबका पूर्व अध्यक्षहरु सहित विशिष्ट व्यक्तित्वहरुको उपस्थिति रहेको थियो । त्यस्तै प्रथम उपाध्यक्षमा लायन मोहन भट्टराई, द्वितीय उपाध्यक्षमा श्रीकृष्ण मानन्धर, तीतृय उपाध्यक्षमा खेतराज पाठक, सचिवमा कलाधर बराल तथा कोषध्यक्षमा गणेशकुमार श्रेष्ठ लगायतका २० जनाको नयाँ कार्यसमिति चुनिएको हो ।
नयाँ कार्यसमितिले टोखास्थित भुतखेलमा हिजो एक वनभोज कार्यक्रमको आयोजना गर्दै आगामी दिनमा क्लबलाई अझ बढी सशक्त र प्रभावकारी बनाएर लैजान प्रतिबद्धता व्यक्त गरेका छन् ।
१४ चैत, २०७२, ३।३०
वि.सं.२०७२ चैत १४ आइतवार २०:४२ मा प्रकाशित
