काठमाण्डौं । अहिले नेपाल स्टक एक्सचेन्जले सेयर कारोबारका लागि सूचीकृत भएका कम्पनीहरूसँग उनीहरुको विवरण माग गरेको छ । नेप्सेले कम्पनीको वर्गीकरण गर्नका लागि आवश्यक विवरण मागेको हो । नेप्सेले मागेको विवरण बुझाएपछि नेप्सेले तोकेको मापदण्ड पुरा गरेका कम्पनीलाई क वर्गमा वर्गिकरण गर्न सक्नेछ ।
क वर्गमा पर्न चुक्ता पुँजी कम्तिमा दुई करोड रूपैयाँ भएको, साधारण सेयरधनी संख्या कम्तिमा एक हजार जना भएको अनि सार्वजनिक रुपमा सेयर निष्कासन खुला गरेको हुनुपर्छ ।
यसैगरी, कम्तिमा तीन वर्षदेखि लगातार मुनाफामा रहेको, सेयरको किताबी मूल्य चुक्ता मूल्य भन्दा कम नभएका तथा आर्थिक वर्ष समाप्त भएको ६ महिना भित्रमा त्यस आर्थिक बर्षको कारोबार र आयव्यय विवरण स्टक एक्सचेन्जमा पेस गरिसकेको कम्पनीलाई नेप्सेले क वर्गमा समावेश गर्छ ।
साथै नेप्सेले तोकेको मापदण्डको आधारमा क वर्गमा नपर्ने कम्पनीहरुले समेत अनिवार्य रुपमा विवरण बुझाउनुपर्नेछ । माघ १० गतेभित्र सूचीकृत कम्पनीले यो विवरण नेप्सेमा पठाइसक्नुपर्नेछ ।
२५ पुस २०७३, १।००
वि.सं.२०७३ पुस २५ सोमवार १३:१६ मा प्रकाशित
