लमजुङ। लमजुङको भोटेओडारमा आउँदो कात्तिक ९ गते ठाडो भाका दोहोरी गीत प्रतियोगिता हुने भएको छ । नेपाल पूर्व प्रहरी संगठन लमजुङको आयोजनामा ठाडो भाका दोहोरी गीत प्रतियोगिता आयोजना गर्न लागिएको हो ।
भोटेओडारमा आयोजित सरोकारवालाहरुको बृहत छलफलले ठाडो भाका दोहोरी गीत प्रतियोगिता आयोजना गर्ने निर्णय गरेको हो । ठाडो भाका शिरोमणि उपाधी प्राप्त भेँडीखर्के साइँला अर्थात् दीर्घराज अधिकारीको निधन भइसकेको छ । स्वर्गीय साइँलाको ४५ औँ पुण्यतिथीको अवसर पारी प्रतियोगिता आयोजना गर्न लागिएको पूर्व प्रहरी संगठनका केन्द्रीय सदस्य वीरसिंह घलले जानकारी दिए ।
प्रकाशित मितिः २०७४ असोज १९
वि.सं.२०७४ असोज १९ बिहीवार १६:०६ मा प्रकाशित