काठमाण्डौं । विरामी भएको भन्दै सुसासन समितिमा नगएका अख्तियार प्रमुख लोकमान सिंह कार्कीलाई शीघ्र स्वास्थ्य लाभको कामना गर्दै यूवाहरुले काठमाडौँमा प्रदर्शन गरेका छन् । गोविन्द केसी बचाउ अभियानको आयोजना जम्मा भएका युवाहरुले हिन्दी कथानक चलचित्र लगे रहो मुन्नभाई शैलीमा कार्कीको बिरोध गरेका हुन् ।
काठमाडौँ विश्वविद्यागलयको एमडी कार्यक्रमको प्रवेश परिक्षा हस्तक्षेप गरि अख्तियारले आफै लिएको भन्दै डाक्टर केसीले कार्कीलाई महाअभियोग लगाउन माग गरेका थिए। संसदको सुसासन समितिले केयु पदाधिकारीलााई बोलाएर बुझ्दा अख्तियारले हस्तक्षेप गरेको पुष्टी भएपछि कार्कीलाई पनि छलफलमा बोलाएको थियो।
तर मंगलबारको छलफलमा कार्की विरामी भएको पत्र पठाएर उपस्थित भएनन्। उनी सुसासन समितिमा नगएपछि अख्तियारको कार्यालय अघि गएर युवाहरुले यस्तो व्यङ्ग्यपूर्ण प्रदर्शन गरेका हुन् । हिन्दी चलचित्र ‘लगे रहो मुन्नभाई’मा यसरी नै संजय दत्तले वोमन इरानीका बिरुद्ध सत्याग्रह गरेको देखाइएको थियो ।
१२ साउन २०७३, ४।००
वि.सं.२०७३ साउन १२ बुधवार १७:४२ मा प्रकाशित