काठमाण्डौं । मनास्लु र ल्होत्से हिमालको आगामी अप्रिल ३० अर्थात् वैशाख १७ गते “मनास्लु–ल्होत्से हीरक महोत्सव” मनाइँदैछ। आजभन्दा ६० वर्षअघि तीन जापानी नागरिक र एक नेपाली गरी चार आरोहीले आठ हजार १६३ मिटर अग्लो मनास्लु र दुई सुइस नागरिकले आठ हजार ५१६ मिटर अग्लो ल्होत्से हिमाल आरोहण गरेको सम्झनामा हीरक महोत्सव मनाउन लागिएको हो।
सन् १९५६ मे ९ मा जापानी नागरिक तोसियो इमनिसी र नेपाली ग्याल्जेन नोर्बु शेर्पाले मनास्लुको सफल आरोहण गरेका थिए। त्यसको दुई दिन अर्थात् मे ११ मा जापनिज नोर्बु हिगेता र किचिरो कातोले मनास्लु आरोहण गरेका थिए। सन् १९५६ मे १८ मा स्विस नागरिक आन्स राइस र लुच सिङ्गरले ल्होत्से हिमालको सफल आरोहण गरेका थिए।
हीरक महोत्सव मूल आयोजक समितिका अध्यक्ष रहनुभएका सचिव राईका अनुसार काठमाण्डौँमा आयोजना गरिने महोत्सवको राष्ट्रपतिले उद्घाटन गर्नेछन् भने महोत्सवमा संसारभरका चर्चित अरोहीहरु नेपाल आउने भएका छन् ।
मनास्लु आरोहण गर्ने चारमध्ये एकमात्र जीवित ९० वर्षीया जापानी आरोही हिगेता महोत्सवमा सहभागी हुन नेपाल आउँदैछन्, अन्य तीनजनाको निधन भइसकेको छ।
२६ चैत २०७२, ८।००
वि.सं.२०७२ चैत २६ शुक्रवार १०:५० मा प्रकाशित
