काठमाडौ । लुम्बिनी जनरल इन्स्योरेन्स कम्पनीले शतप्रतिशत अर्थात् १ः१ अनुपातमा हकप्रद जारी गर्नका लागि असार १३ गते सेयरधनी किताब बन्द गर्ने भएको छ । यस अनुसार असार १२ गतेसम्म सेयर किनेका सेयरधनीहरुले कम्पनीको हकप्रद सेयरमा आवेदन गर्न पाउनेछन् ।
कम्पनीले १०० रुपैंया अंकित ३९ करोड रुपैयाँ बराबरको हकप्रद जारी गर्ने र उक्त हकप्रदपछि चुक्ता पुँजी ७८ करोड रुपैयाँ पुग्नेछ । बीमा समितिले तोकेको निर्जीवन बीमा कम्पनीको चुक्ता पूँजी एक अर्ब रुपैंया पुर्याउन कम्पनीले २८ करोड रुपैंया पूँजी थप गर्नुपर्ने हुन्छ ।
लुम्बिनी जनरल इन्स्योरेन्सले हकप्रद जारी गर्नका लागि सिबिआईएल क्यापिटल लिमिटेडलाई विक्री प्रबन्धक तोकेको छ ।
हकप्रद निष्काशनको लागि कम्पनीले असार १ गते नै धितोपत्र बोर्डबाट स्विकृति पाईसकेको छ ।
प्रकाशित मितिः २०७४ असार ५
वि.सं.२०७४ असार ५ सोमवार १३:२१ मा प्रकाशित